យុវជនម្នាក់ជិះម៉ូតូលាក់ដាវកាំបិតក្នុងកាបូបស្ពាយ ត្រូវសមត្ថកិច្ចចាប់ខ្លួនពេលឆែកឃើញជាក់ស្តែង
17-May-2016 | ដោយ មែន កំសត់
ភ្នំពេញ ៖ យុវជនម្នាក់ត្រូវបានកម្លាំងសមត្ថកិច្ចនគរបាលខណ្ឌសែនសុខឃាត់ខ្លួន បន្ទាប់ពីឆែករកឃើញនូវកូនកាំបិត១ និងកូនដាវកែច្នៃ១ ដែលគាត់ដាក់លាក់ទុកតាមខ្លួននៅក្នុងកាបូបស្ពាយរបស់គាត់ពេល កំពុងធ្វើដំណើរតាមបណ្តោយផ្លូវលេខ២៧១ ក្នុងសង្កាត់ទឹកថ្លាកាលពីរសៀលថ្ងៃទី១៦ ខែឧសភា ឆ្នាំ២០១៦។
ប៉ូលិសនិយាយថា បុរសជាប់ចោទខាងលើឈ្មោះ សុវណ្ណ សក្កដា អាយុ២១ឆ្នាំ ជានិស្សិតមានទីលំនៅក្នុងភូមិក្រាំងចិន ឃុំស្តៅកោង ស្រុកបាភ្នំ ខេត្តព្រៃវែង។
លោក សុខ សុផល នាយប៉ុស្តិ៍នគរបាលរដ្ឋបាលសង្កាត់ទឹកថ្លា បានឲ្យដឹងថា ជនជាប់ចោទត្រូវបានចាប់ខ្លួនខណៈពេលគាត់ធ្វើដំណើរដោយម៉ូតូមក ប៉ះចំគោលដៅឆែកឆេររបស់ សមត្ថកិច្ច នគរបាលខណ្ឌសែនសុខ ត្រួតពិនិត្យចាប់ចរាចរណ៍ តែដោយមានការមន្ទិល ទើបសុំឆែកឆេរក្នុងកាបូបស្ពាយរបស់គាត់ក៏ឃើញកូនដាវកែច្នៃ១ដើម និង កូនកាំបិតបត់មួយដើមទៀតទើបឃាត់ខ្លួនយកមកប៉ុស្តិ៍សួរនាំតែ ម្តងដោយចោទប្រកាន់ជាបឋមថា “ប្រើប្រាស់អាវុធខុសច្បាប់” ហើយបានឃុំខ្លួនជាបណ្តោះអាសន្នសិន។
តាមចម្លើយរបស់ជនជាប់ចោទបាននិយាយថា គាត់ដាក់កូនកាំបិតបត់និងដាវកែច្នៃនេះគឺដើម្បីគ្រាន់តែទុកការពារ ខ្លួនប៉ុណ្ណោះ មិនមែនយកទុកសម្រាប់ធ្វើសកម្មភាពអ្វីផ្សេងនោះទេ តែក៏ដោយសារគាត់មិនបានដឹងថា វាជាអាវុធខុសច្បាប់ឡើយ។
ប៉ូលិសបានឃាត់និងឃុំខ្លួនគាត់ជាបណ្តោះនៅអធិការដ្ឋាននគរបាល ខណ្ឌសែនសុខដើម្បីកសាងឯកសារនិងត្រៀមបញ្ជូនទៅតុលាការ ផងដែរ៕
ចំនួនអ្នកទស្សនា
- ថ្ងៃនេះ10291
- ម្សិលមិញ20231
- សប្តាហ៍នេះ89371
- ខែនេះ111251
- ឆ្នាំនេះ111251
- សរុប20553707